Já ég veit ég á að vera að læra!!! ;)

Ég er nú búin að vera dugleg :) smá blogg pása núna.
Tók alla helgina og nú slatta af síðustu viku í lærdóminn, allur dagurinn í dag og á morgun fer líka í bækurnar.
Próf á miðvikudaginn kl.14 og svo annað á fimmtudaginn kl.9 og þá er ég komin í SUMARFRÍÍÍÍÍÍ :)

Á föstudaginn þarf ég svo á ná að gera ALLT sem ég þarf að klára áður en ég fer út :/ eins gott að það náist hehehe... En ef ekki æjjjhhhh þá bara reddast þetta ;)
Því verður alla vegana ekki breytt að ég mun fljúga til hans Gunna míns á mánudagsmorguninn kl.7.45 :)
Það verður svo gott að hitta hann aftur og komast í annað umhverfi, vonandi smá hita líka :)

En hvað var málið með Júróvisjón??? Eigum við e-ð að vera að ræða það??? En æj þau stóðu sig alla vegana alveg rosalega vel og maður gat nú alveg verið stoltur :)

jæja vélhlutafræðin öskrar alveg á mig hérna :( endalausar spennur og kraftar og vægi og ég veit ekki hvað og hvað.

Ekkert annað en ...


SPENNANDI!!!!!

9 dagar :)

Enn ein vikan að verða búin! Næstum 9 VIKUR síðan Gunni fór NÍÍÍÍÍUUUUUUUU VIKUR!!! :O en aðeins 9 DAGAR eftir :)

Ég er búin að vera ágætlega dugleg að læra þessa vikuna! Þó sérstaklega í dag :) Svo er bara að mæta snemma í fyrramálið og halda áfram að vera dugleg og svo auðvitað horfa á JÚRÓ annað kvöld :)

Loksins loksins loksins komumst við upp úr þessari bjévítans forkeppni urrr....

Sænska plastið komst líka áfram...

Ótrúlegt að sjá þessa "gellu" !! '99 þegar hún vann Selmu með copy-aða ABBA laginu sínu þá var hún bara með plast brjóst en núna var hún með meira sameiginlegt BARBIE dúkku en venjulegri manneskju. Þegar hún hætti að brosa þá var andlitið á henni samt ennþá einhvern veginn brosandi.
Svo er hún líka komin með nýtt nafn, ekki bara eftirnafn, heldur líka fornafn!!! Kannski hún hafi þurft að skíra sig upp á nýtt þar sem meiri hlutinn af líkama hennar er nýr. hmmm.... ???

Ég reyndi að horfa aðeins á fyrri forkeppnina en úffff... þetta var bara leiðinlegra en allt :/ Á tímabili í seinni keppninni vorum við Jóhanna nú reyndar líka alveg að tapa okkur en hún var nú samt töluvert skárri.
Vonandi að það sé nú búið að sigta frá svona það allra leiðinlegasta þannig að aðal keppnin á morgun verði góð, eða alla vegana á horfandi :)

Miðvikudagurinn var líka STÓÓÓÓÓÓR dagur :) úffff.....

Ég horfði á stórkostlegasta fótboltaleik sem ég hef séð lengi lengi ef bara nokkurn tímann!!! Og auðvitað unnu mínir menn :) Ég var orðin svo stressuð á tímabili að ég hélt að hjartað í mér ætlaði að springa.
Við pabbi öskruðum eins og ljón hérna og hoppuðum út um alla stofu eins og bjánar hehehe.... Veit ekki hvað fólk hefur haldið um okkur ;)

Góða helgi pípúl og svo bara ÁFRAM ÍSLAND á morgun :)

Hafnarfjörður

Ég átti leið inní Hafnarfjörð í dag sem er nú kannski ekki frá sögu færandi nema það að í hvert skipti sem ég fer INN Í Hafnarfjörð, þ.s keyri ekki bara í gegn, þá villist ég!!!

Ég hitti samt alltaf fyrir rest á réttan stað en hvernig mér tekst það veit ég ekki. ALLTAF þegar ég þarf að fara á St.Jósepsspítala þá villist ég, ALLTAF!! Ég hef nú ansi oft þurft að fara þangað í gegnum tíðina en ALDREI hefur mér tekist að staðsetja hann í kollinum á mér! Eina sem ég næ að tengja nálægt honum er húsið hennar Þórunnar frænku.

Í dag þurfti ég að ná í mömmu einmitt á þennan blessaða spítala. Ég keyrði bara í róleg heitum af stað með húsið hennar Tótu frænku í huga. Þegar ég beygði inní blessaða bæinn fauk þessi hugsun úr kollinum á mér!!! Og ég ákvað að fara aðra leið. EKKI góð hugmynd ef miðað er við fyrri reynslu.

Anyways.... Ég var viss um að núna rataði ég sko bara víst. Beygði þarna upp einhverja götu, keyrði næstum niður OJJJHHHH MAAAAAS (ruslakall á Ölmu máli), flaug þarna yfir hverja hraðahindrunina á fætur annarri en NEI enginn spítali eða merking um að spítala væri að finna í nágrenninu.

Ég hélt áfram..... Loksins sá ég hann!!! En bara bakið á honum :/ og hann var umkringdur húsum en engin gata virtist liggja að honum. Ég var við það að gefast upp, en ekki gat ég skilið mömmu bara eftir þannig að ég keyrði áfram.

Á endanum sá ég skilti sem á stóð St.Jósepsspítali og benti inn í götu. Vúhúúú... ég beygði inn götuna. Þetta var bara venjuleg íbúðargata!!!!! En þar sem ég gat hvergi snúið við ákvað ég að keyra áfram, gatan sveigðist og beygðist í allar áttir (furðulegt alveg!!). Þegar ég LOKSINS sá fyrir endann á henni blasti við mér ...

St.Jósepsspítali í allri sinni dýrð ;)

Ég skil ekki Hafnarfjörð!!!!

En ætli ég rati næst??? Spennandi.....

Ég er að tapa mér!!!!

Hlakka svoooooooooooo til að hitta Gunna minn eftir TVÆR VIKUR :) :) :) :) :) :) :) :)

En alla vegana þá held ég að ég hafi náð að koma mér í læri gírinn í dag LOKSINS!! Var uppí skóla í 6 tíma að reikna :) Voða dugleg! Svo er bara eins gott fyrir mig að halda þessu áfram!!!!

Jæja ætla að horfa á TV-ið í smá stund :)

Gúte

15 dagar :)

Styttist og styttist í að ég fara til Baunalandsins :) Ég er orðin voða spennt... Myndi nú helst bara vilja vera að fara á morgun!!

Ég skellti mér á Palla á NASA á föstudagskvöldið. Langt síðan ég hef skemmt mér svona vel í bænum :) Man nú bara varla hvenær ég fór síðast á djammið í bænum!?!!?!?
Við vorum nú samt bara á NASA fórum ekkert annað. Ég kom heim um 6 og svaf nánast til að verða 16 á laugardaginn hehehe... Var nú bara nokkuð hress! En vá hvað ég myndi ekki nenna að djamma um hverja helgi :S Þó að maður sé kannski ekki beint þunnur þá er maður samt þreyttur og latur og kemur ENGU í verk. Myndi ekki tíma að eyða helgunum í svona. Þýðir þetta kannski að ég sé orðin gömul?? ;)

Næstu 2 vikurnar munu svo bara fara í að læra á daginn, hitta vini og ættingja á kvöldin og svo vonandi næ ég að pakka einhverju í tösku rétt áður en ég fer :)

Jæja ætla að skella mér í IKEA svona af því að ég nenni ekki að fara að læra ;)

...

Það mættu margir taka þessa auglýsinug til sín...

Finnst hún alveg mögnuð!

Enginn karíus og enginn Baktus :)

Jámm ég er með tennur eins og krakki... Engin hola og engin skemmd :) Tannlæknirinn minn var voða ánægður með mig.

Ég var samt handviss um það um daginn að ég væri sko með þvílíka tannpínu já núna væri sko komið að því!! Ég væri POTTÞÉTT bara að fara að missa allar tennurnar. En síðan gleymdi ég þessu hehe... Dramadrottningin ég ;)

Ég fór áðan og fjárfesti í miðum á Palla :) Próflokadjamm háskólanna á morgun á NASA það verður sko stuuuuuuuuð!!!!!! :)
Austurvöllurinn var fullur af fólki að sóla sig og líka fullur af fullu fólki. Rónarnir alveg að fíla veðrið greinilega, sátu þarna og drukku sitt spritt. Verð nú að segja að það er til rosalega mikið af furðulegu fólki og það virðist safnast saman í 101 Rvk.

Ég þarf nú að fara að hella mér í lesturinn aftur, þó að ég sé engan vegin að nenna því í þessu æðislega veðri. En ég kemst víst ekki undan því....

Lilja þú ert sko að missa af hörku stuði á morgun :( get næstum því lofað þér að það verður skemmtilegra en síðast hahahaha....

Góða helgi :)

Ekki sátt!!

Hvernig stendur á því að þegar maður fer til heimilislæknis FÁRVEIKUR ,og þeir hafa ekki græjur, getu né kunnáttu til að ganga 100% í skugga um hvað sé að, að þeir vísi manni ekki til sérfræðings eða hreinlega sendi mann uppá spítala þar sem réttar græjur og réttir læknar eru??

Ég fór til læknis í HAUST nokkrum sinnum út af því að mér hreinlega leið bara e-ð illa var alltaf e-ð asnaleg. Ok kannski erfitt að skera úr um af hverju ég var asnaleg þegar ég gat ekki beint bent á " já hér er mér illt ".
En nokkru seinna versnaði mér og já fór að pissa blóði, ekki skemmtileg reynsla það.

Ég fór á heilsugæsluna, hugsanlega mistök að fara ekki beint uppá Lansa, en þar var ég látin blæða í glas og engdist um af kvölum. Læknirninn fékk SJOKK þegar ég lét hana fá glasið en engu að síður þá sendi hún mig bara heim með nokkra daga skammt af pensilíni.

Síðan þá hefur þetta alltaf verið að poppa upp annað slagið og ég alltaf fengið bara pensilín. Ég er búin að vera eins og ég sagði áðan ASNALEG í allan vetur. Alltaf þreytt og líður e-ð illa :(

Um daginn sagði mamma bara hingað og ekki lengra og pantaði tíma fyrir mig hjá sérfræðingi. Ég fór til hans og vildi hann strax eftir stutt viðtal fá að spegla mig.

Speglunin var svo gerð í dag og vitið menn.....

Ég er búin að vera með blöðrubólgu í ÁR!!! Þannig að núna á ég að vera á úber sterku pensilíni í MÁNUÐ og ef það er ekki nóg þá þarf ég að fara í aðgerð.

Afleiðingar þess að vera með blöðrubólgu svona lengi eru ekkert djók!!! Svo ekki sé minnst á þau óþægindi sem ég hef þurft að þola.

Ég spyr.... AF HVERJU VAR ÉG EKKI SEND TIL SÉRFRÆÐINGS STRAX!!!?????

urrr... hvað ég er ekki sátt :(

Helgin fór ekki alveg eins og planað var...

Planið var sem sagt að læra og læra og læra... EN mér til mikillar ánægju eða hitt þó heldur þá er ég búin að liggja í rúminu :(
Vona að ég nái að læra e-ð á morgun og svo er bara að krossa fingur og vona að ég skríði....

Ég ætla nú að óska pabba og Gunna innilega til hamingju með daginn :)

Bestu vinir þeirra urðu enskir meistarar í 17.skipti í dag :)

Nú eru bara 3 vikur í flutning :) Ég á að hringja í konu á Spítalanum í Álaborg á morgun út af vinnu í sumar. Spurning hvort mér takist að gera mig svona nokkurn veginn skiljanlega á dönsku hehehe....

Mig er farið að hlakka mikið til að fara út! Gaman að takast á við e-ð nýtt og spennandi!!! :) Og það er ekkert að skemma fyrir tilhlökkuninni þetta góða veður í Danmörku :)

Jæja það er víst kominn háttatími.

Góða nótt

Hvítasunnan = próflestur

Einstaklega skemmtileg helgi framundan hjá mér :) Hún mun saman standa af vægisreikningum, kraftajafnvægi, skerspennum, bognun bita og svona mætti lengi telja!! En ég ætla samt ekkert að vera að væla undan þessu ;)

Prófið er á þriðjudaginn kl.9-12 og svo kl.14 fer ég í pínu aðgerð þannig að dagurinn er fullbókaður ;) síðan tekur við stærðfræði lærdómur.

Ég varð vitni af ansi fyndnu atviki í gær....

Ég fór aðeins til Dagmar í gærkvöldi og á leiðinni heim þá lenti ég á rauðu ljósi á Vífilstaðaveginum í Garðabænum. Á undan mér var lítill jeppi og í honum var ein kona.
Ég tók eftir því þegar ég stoppaði fyrir aftan hana að hún var að setja á sig maskara... ok ansi algengt að konur nýti tímann á rauðu ljósi til að mála sig hehe...
En alla vegana svo koma grænt! Hún rauk af stað og ég á eftir.
Hún var enn einbeitt að horfa í spegilinn og setja á sig maskarann.
Það eru nýkomnir upp hraðamælar á Vífilstaðaveginn og þegar hún brunaði framhjá honum þá mældist hún á 58km hraða (NB! hún var enn að mála sig í speglinum).
Rétt á eftir hraðamælinum kemur rosaleg hraðahindrun. Þar sem konan var nú ekki beint að einbeita sér að akstrinum þá brunaði hún á sínum 58km yfir hraðahindrunina.
Hún bókstaflega FLAUG!!!! hahahaha....
Ég hefði viljað sjá hvernig make up-ið tókst hjá henni!!!! Þar sem hún var ENN að setja á sig þennan blessaða maskara þegar hún skall á hraðahindruninna ;)

Jæja ætla að halda áfram að læra á meðan Gunni minn sleikir sólin í Köben :)

Nr.2

Ákvað að skýra þetta blogg bara Nr.2 þar sem mér datt bara ekkert annað í hug! Svona er maður hugmyndasnauður þessa dagana....
Ég er að drepast úr leti!! Nenni svo engan vegin að vera ennþá í skólanum. Ég þarf að eyða helginni í að læra vélhlutafræði, sem er reyndar mjög skemmtilegur og virkilega áhugaverður kúrs EN ekki á 3 vikum!
Alltof mikið og merkilegt efni til að maður geti náð því á 3 vikum. Við erum nú búin að sjá ýmislegt sniðugt samt sem áður.
Fengum að sjá mynd af hendi, alvöru, sem var búið að saga af látnum einstaklingi og taka húðina af og sinarnar skoðaðar og settar í togþolspróf. Mjög flott!!

Í dag fengum við líka að sjá tvær mjaðmaskiptaaðgerðir.... og fullt af gerviliðum, hné, mjaðmir, axlir... Ansi magnað :)

Ætla að setja hér inn video... vara samt við að þetta er pínu brútal!



Sá annað svakalegt á YouTube í dag...

Hún er 7ára og er 400pund!!!




Jæja ég er farin að sofa!

Góða nótt :)

Nr.1

Já þetta er fyrsta Álaborgarabloggið, þó að tæknilega séð sé ég ekki flutt ennþá ;) Ákvað að búa til lítið blogg svo fólkið okkar hér heima geti fylgst með okkur í Álaborginni.

Gunni er nú bara að njóta sólarinnar og sumarsins sem er víst komið í Baunalandi á meðan sitjum við hér í rigningunni og vonum að vorið sé alla vegana á næsta leiti svo ekki sé minnst á sumarið. Ég ætla samt að vera voða vond og óska þess að það verði rigninga sumar hér á Íslandi hehe... Er ekki alltaf gott veður í DK ef það er leiðinlegt veður hér??

En alla vegana þá er áætluð brottför mín þann 2.júní 2008 kl.7.45 tek svo innanlandsflug frá Köben til Álaborgar kl.16.15 og lendi stundvíslega (vonandi!!) hjá Gunna kl.17 :)

Þangað til verður sko nóg að gera hjá mér....

Vélhlutafræði lokpróf næsta þriðjudag (13.maí) og svo sjúkrapróf í stærðfræðigreiningu einhver tíman á bilunu 26.-30.maí. Vona að það verði nú bara 26. þá hef ég nokkra daga til að pakka og knúsa fólk áður en ég fer.

Ég bið bara að heilsa í bili :)

Já og btw ég kann EKKERT á þetta blogspot dæmi!!!